Feldenkrais

Grazia a mal il dies hai jau scuvert avant circa 30 onns la metoda da Feldenkrais. Jau sun stada uschè impressiunada ed intgantada da questa "scola da la percepziun" che jau hai fatg durant quatter onns en l'Italia in "Feldenkrais Professional Training". Silsuenter hai jau dà passa 20 onns lecziuns da Feldenkrais en gruppa, l'emprim a Cuira e lura a Ruschein.

Uss offresch jau "Feldenkrais sin mesira" - lecziuns individualas "sin mesira" per persunas che na vulan betg ir en lecziuns en gruppa.

Feldenkrais è emprender tras il moviment. En las lecziuns da Feldenkrais vegnan moviments prendids sut la marella da la percepziun, era moviments fitg pitschens dal mintgadi sco p.ex. dar dal chau ubain volver in maun. Impurtant è ch'ils moviments vegnian fatgs cun levezza, attenziun e quità. Mintga persuna fa ils moviments tenor ses tempo e sias pussaivladads.

Moshé Feldenkrais (1904-1984), il fundatur da questa metoda, n'aveva betg en mira sulettamain la movibladad dal corp, mabain era la movibladad dal spiert – e cunzunt l'esser conscient.

Ma contactai sche Vus vulais savair dapli.

www.feldenkrais.ch