Lavur dad autobiografia
Adina puspè accumpogn jau gruppas pitschnas da trais u quatter persunas sin il "viadi" tras lur biografia. Il program da viadi è repartì en nov etappas. Abstrahà da questa structura clera datti blera libertad persunala co dar furma e cuntegn a questa lavur. Entaifer ca. nov mais èn programmadas diesch scuntradas per preleger, tadlar, discutar e survegnir impuls.
Per la lavur dad autobiografia n'hai jau betg datas fixas. As annunziai tar mai sche Vus avais l'impressiun che quai pudess esser per Vus ina interessanta experientscha. Jau prend lura gugent Vus sin mia glista da las persunas interessadas. Mintgatant vai svelt, mintgatant dovri in pau temp enfin ch'i dat puspè ina nova gruppa.
Qua chattais Vus anc dapli infurmaziuns latiers.
Lecziuns da Feldenkrais en gruppa
Suenter che jau hai dà passa 20 onns lecziuns da Feldenkrais en gruppa, gl'emprim bel e bain 10 onns a Cuira e lura dapli che 10 onns a Ruschein, hai jau decidì la primavaira 2022 da smetter cun questas lecziuns regularas. Ma tge che jau offeresch vinavant è Feldenkrais sin mesira.
Feldenkrais sin mesira
I dat adina puspè glieud che ha magari bloccadas la damaun ni x-insanua insatge che fa mal. Ed i dat adina puspè glieud che vul savair en quest connex in pau dapli da la metoda da Feldenkrais, senza vulair ir a far regularmain Feldenkrais en ina gruppa. Jau offeresch sur onn "Feldenkrais sin mesira". En ina ni pliras lecziuns privatas muss jau a Vus moviments che san far bain e che Vus savais far regularmain per Vus a chasa. Contactai mai sche Vus giavischais detagls e dapli infurmaziuns.