Calma e suveranitad

ina valur segira en situaziuns da squitsch

Ils ins van si sco ina flur cura ch’els han stress, ils auters pateschan dal stress. Noss perdavants na conuschevan gnanca il pled stress – malgrà ch’ils carstgauns èn gia adina stads confruntads cun sfidas e provocaziuns.

En il seminari dad in di vai il pli emprim per emprender da conuscher traplas da stress en il mintgadi. Lura vulain nus eruir tge che ans provochescha vairamain e quant individualas che nossas reacziuns sin sfidas èn. En il decurs dal di giain nus alura a la tschertga dad arretaders da stress – per il corp, per il spiert e per l’olma – per far frunt al stress ubain per evitar el da bell’entschatta.

Recepts generals na datti betg en quest di d'impuls, ma i dat bleras ideas co ir enturn cun stress – pertge la gronda part da noss stress quotidian, en la vita privata ed en la vita professiunala, cumenza en noss chau.

Public en mira:
Persunas che sa sentan mintgatant stressadas e ch’èn motivadas ed interessadas da s’occupar cun il tema calma e suveranitad.

Ma contactai sche Vus vulais savair dapli.