Logoterapia
La logoterapia da Viktor E. Frankl (betg da scumbigliar cun la logopedia) ha enritgì fitg mia vita e mes svilup persunal. Da 2006 enfin 2010 hai jau fatg in NDS HF (Nachdiplomstudium Höhere Fachschule) e terminà quel cun il diplom federal sco cussegliadra da logoterapia. Logoterapia è daventà per mai ina funtauna dad art e da plaschair da viver.
La logoterapia è in concept intelligent e captivant per dar furma ed expressiun a l’atgna vita e quai en il rom da libertad e responsabladad, sinaquai che la vita gartegia, sch'i sto ad esser era sut circumstanzas e cundiziuns difficultusas.
La logoterapia è vegnida sviluppada da Viktor E. Frankl (1905-1997), in psichiater e psicoterapeut da Vienna. Sia constataziun fundamentala: "Il carstgaun è ina creatira che s’orientescha tenor quai che fa senn. Sche l’uman fa l’experientscha ch’insatge haja senn, lura resenta el quai sco insatge che ha valur." Sa confruntar cun valurs, era cun las atgnas, è impurtant ed interessant. Ed en connex cun il senn datti bleras definiziuns, p.ex.: "Senn è la pussaivladad la pli preziusa ch'i vala da realisar en ina situaziun concreta." Mintgatant vul quai dir far insatge, mintgatant laschar da far e tegnair ora. Era giudair insatge cun plaschair fa senn e qua e là fai schizunt senn da midar l'atgna opiniun u tenuta.
Dapi blers onns offresch jau lavur dad autobiografia en gruppas pitschnas da trais persunas, plinavant dis d'impuls per gruppas e cussegliaziuns individualas.
Ma contactai sche Vus vulais savair dapli.