Modular l’atgna tenuta

Il fenomen da las midadas

 

I dat chaussas en la vita che nus pudain e savain midar e che nus duessan era midar sch’i fa senn. Ed i dat chaussas en la vita che nus na savain betg midar, p.ex. il passà, nossa derivanza, culps dal destin ubain la moda dad esser dad auters carstgauns. Tge che nus savain però midar è nossa tenuta envers quests fatgs. Quai vul dir, nus savain guardar cun auters egls, dad in auter punct da vista ina chaussa, in fatg, in eveniment, in carstgaun e qua tras arrivar ad in’autra tenuta. Viktor E. Frankl, il fundatur da la logoterapia (betg da scumbigliar cun la logopedia) di: nus n’essan betg libers da, mabain per. Nus essan pia era libers per midar nossas tenutas. Elisabeth Lukas, ina da las scolaras las pli enconuschentas da Frankl ha furmà per quest process la noziun „Einstellungsmodulation“.

En il seminari dad in di s’occupain nus da las suandantas dumondas:
- Co vegnin nus tar nossas tenutas?
- Co daventain nus conscients da nossas tenutas?
- Pertge duessan nus insumma midar nossas tenutas?
- Co far per midar nossas tenutas e sentir la persistenza?

Public en mira:
Persunas ch’han interess dad in pau teoria, persunas che fan gugent discussiuns cun auters e ch’han gust da sa profundar en in tema modern (change/midadas) ch’è usche vegl sco l’umanitad.