Feldenkrais - ina scuverta

ed ina scola da la percepziun

 

I dat carstgauns che sentan lur corp pir cura che quel fa mal ubain cura ch'insatge na funcziuna betg pli sco quai ch'i stuess. Daspera è la percepziun da l'agen corp insatge captivant ed interessant. La finala essan nus en noss corp uschè ditg che nus vivain. E percorscher quai ch'ins senta en l'agen corp vul dir: percorscher sasez.

In dals cudesch da Moshé Feldenkrais porta il titel: "Die Entdeckung des Selbstverständlichen". Igl è in invit, "das zu entdecken, was Sie immer schon gewusst und wovon Sie dennoch keine Ahnung haben".

En quest curs dad in di sa baratta teoria e pratica. Vus vegnis a giaschair pliras giadas giun plaun, suandar mias indicaziuns verbalas per percepziun e moviment e Vus vegnis a patratgar quei che Vus faschais ed a percorscher quai che Vus sentis. Quai è atgnamain tut – ed i vegn a dar bler da surstar.

Publicum en mira:
Feldenkrais è insatge per umens e dunnas, per giuven e vegl. Intgantads da questa metoda èn cunzunt carstgauns ch'han mirveglias e ch'èn averts per experientschas novas.