Enconuscha tatez ...

... in'avischinaziun a l'atgna vita che fa senn e gust

 

L’intimaziun d’emprender d’enconuscher sasez è veglia. Ins di ch’ella saja gia stada scritta sur l’entrada dal tempel d’Apollo a Delphi. Ma quai na vul betg dir ch’ella saja oz inutila. Selfies e la ferma preschientscha en las medias socialas pon forsa flattar a nos ego ed ans dar la pussaivladad da far in label ord noss’existenza, ma noss vair esser vegn da sa zuppar fitg bain davos tut quest tamtam.

En quest curs dad in di vai per la dumonda captivanta: Tgi sun jau vairamain e co vegn jau pli datiers a mamez? Il carstgaun è e resta in misteri – per ils auters e savens era per sasez. Ma tgi ch’enconuscha sasez almain in pau, sa concepir e dar furma a sia vita pli conscientamain e sviluppar meglier l’atgna persunalitad.

Public en mira:
Persunas ch’èn motivadas ed interessadas da s’occupar cun il tema d’enconuscher sasez e ch’han plaschair ed èn avertas per in barat d’experientschas.